Bruno mars-ын дурлалт бүсгүй
Хувийн амьдралын хувьд тунчиг нууцлаг гэгддэг дуучин Бруно Марс найз бүсгүйтэйгээ хамт папараццичдын дуранд өртжээ. Элдэв гоёл чимэглэлгүй, чөлөөт хэв маягаар хувцасласан хосууд өнгөрөгч даваа гаригт Лос-Анжелесийн гудамжаар зугаалж яваа нь ийнхүү гэрэл зургийн хальснаа буусан байна.
Түүний хайрт бүсгүйг Жессика Кабан гэдэг, 31 настай, жүжигчин, бүжигчин гэнэ. Хосууд 2011 онд танилцсан бөгөөд өнгөрсөн зунаас эхлэн хамт амьдрах болжээ. Тэд өдгөө Нью-Йоркийн Холливуд Хиллс дэх гурван сая ам.долларын үнэтэй тансаг байшинд амьдарч байгаа аж.
Жессика “Shades of Love”, “Getting Even” зэрэг киногоороо үзэгчдийн танил төдийгүй Америкийн алдартай сэтгүүлүүдийн хавтаснаа гарч байсан нэгэн.
Дуучин Бруно ирэх сард “The Moonshine Jungle” нэртэй аялан тоглолтоо хийхээр төлөвлөсөн бөгөөд дуучин залуу хайрт бүсгүйгээ дагуулаад явах гэнэ. Тэрбээр аялан тоглолтоо ирэх дөрөвдүгээр сарын 12-нд Арабын нэгдсэн Эмиратын Дубайгаас эхлүүлэх гэн
Category: PHOTO
